Во тек е полициска акција во селото Крушопек, Сарај, каде се претресувааат куќи и други објекти во врска со недозволена трговија со дрога, потврдија за Плусинфо извори од полицијата.
Акцијата е по налог на Основното јавно обвинителство, а за тоа колкаво количество и која дрога се запленува од МВР за Плусинфо засега не откриваат.
Според информацијата што претходно ја пренесе ТВ21, запленет е кокаин, иако засега точно не се знае колкава количина завршила во Крушопек. Сепак , според информациите на оваа телевизија се работи за околу еден тон.
Првичните информации велат дека пратката прво стигнала од Америка во Бар, Црна Гора, а потоа требало да се транспортира во Копер, Словенија.
Од засега непознати причини, рутата е сменета и пратката завршила во Крушопек.
