Линијата на британската пејачка Адел и понатаму е главна тема во светските медиуми. Адел ослабела дури 45 килограми.
Во Лондон, во саботата се одржала венчавката на нејзините пријатели Лаура Докрил и Хју Вајт. Популарната Адел (31) била одлично расположена па го фатила микрофонот и го испеала својот голем хит „Rolling In The Deep“, како и хитот на групата „Спајс грлс“, „Spice Up Your Life“.
На сцената ѝ се придружиле и познатите пејачки Џеси Вер и Флоренс Велч.
Разбирливо, во тој миг камерите на мобилните телефони се активирале, па сега Инстаграм „гори“ од видеоклипови од Адел на конкретната венчавка.
Во последно време Адел излегува само на пријателски дружења па за нејзиниот нов изглед сведочат главно аматерски фотографии и видеа.
ФОТО: Принтскрин/Инстаграм
