ДУИ целосно ги поддржува законите за јавно обвинителство, совет на јавни обвинители, за одбрана, изборниот законик со корекција на изборните единици како и Преспанскиот, Охридскиот и добрососедскиот договор, реагира пратеникот од ДУИ, Артан Груби по најавата на генералниот секретар на СДСМ Љупчо Николовски дека е можно да направат ново мнозинство и да не се оди на предвремени туку на редовсни парламентарни избори.
– Ние сме убедени дека законите и одлуките ќе се донесат пред распуштање на Собранието. Предвремените избори беа консензуално договорени кај претседателот Пендаровски и политичката непредвидливост од било која страна е несериозна и неоддржлива за нашата земја, порача Груби.
