Бизнисмен од Англија Стив Волш (53) пред две недели заедно со уште стотина лица учествувал на една конференција во хотел во Сингапур и таму најверојатно се заразил со опасниот коронавирус. Сега Волш стравува дека јавно ќе го осудат како некој кој го донел смртоносниот вирус и ги изложил на опасност невините граѓани.
Волш, водич на извидници од Хов, Англија, несвесно станал „суперширач“ на коронавирусот откако заразен се вратил дома од конференцијата во Сингапур. По пат заразил најмалку 11 луѓе. Тој во моментот се наоѓа во изолација во болницата „Свети Томас“ во Лондон. Се чувствува добро, но очајува и стравува од осуда од домашната јавност.
Во меѓувреме, британските здравствени организации продолжуваат да трагаат по лицата со кои Волш бил во контакт по враќањето од Сингапур за да бидат подложени на тестирање, пишува „Дејли мејл“.
– Разговарав со Стив и неговата сопруга Кети. Тие се толку многу преплашени и загрижени од тоа што Стив станал „жртвено јагне“ поради нешто за кое „не е виновен“ – раскажал нивниот сосед за британскиот „Мирор“, додавајќи дека тој се јавил кај лекарот веднаш штом сфатил дека би можел да биде носител на вирусот и оној кој го проширил вирусот.
Кога сфатил дека би можел да биде носител на коронавирусот, самиот отишол на лекар и побарал да биде подложен на тестирање во болница во Брајтон. Кога таму било потврдено дека е позитивен на коронавирус, Волш бил преместе во специјалната изолациска единица на болницата во Лондон каде во моментот се наоѓа.
FOTO: Supplied Editorial Steve walsh/Printskrin
