Доцни судењето за случајот „Рекет“ затоа што во судницата во Кривичниот суд сè уште не е спроведен првообвинетиот Бојан Јовановски.
Судијката информираше дека од затворот била известена оти утрово лекар го прегледувал Јовановски и дека се чека дополнително да ја информираат дали воопшто ќе биде денеска донесен во судница.
Во моментов таму присутни се второосомничената Катица Јанева и нејзините бранители, тука е и адвокатот на Јовановски, Сашо Дуковски.
Во судницата е и обвинителката Вилма Русковска која денеска треба да продолжи со изведување докази против обвинетите.
