Собранието, со поддршка на Националниот демократски институт, воспостави новина во однос на комуникацијата меѓу пратениците и членовите на Владата, па паузата за време на седницата наменета за поставување на пратенички прашања секој последен четврток од месецот, ќе се користи за неформална размена на мислења и информации меѓу пратениците и членовите на Владата на Република Македонија.
Денеска во пауза првпат имаше неформално дружење меѓу министрите и пратениците, но само од владејачкото мнозинство.
„Целта на оваа нова пракса е заемно информирање за актуелните прашања, законските предлози кои се во процедура, со што на непосреден начин би можело да се придонесе до подобрување на законските предлози, а со тоа да се изградат и поефикасни институции во служба на граѓаните“, се наведува во соопштението.
