Министерството за животна средина и просторно планирање, дознавајќи од медиумите за одржаната прес-конференција на Инспекторатот на Градот Скопје каде беа изнесени нивни сознанија од извршен увид во работењето на компанијата „Еко клуб“ ДООЕЛ Битола, веднаш изврши увид во издадените дозволи за вршење третман на медицински отпад и воспостави контакт со Државниот инспекторат за животна средина за дополнителни информации во однос на спроведените надзори, имформираат од Министерството.
Од Инспекторатот известиле дека последниот надзор на терен над „Еко клуб“ бил извршен на 12 декември 2019 година каде со записник било констатирано дека компанијата работи согласно законските прописи и издадените дозволи.
„По денешното сознание, на барање на Министерството, ДИЖС е во моментов на вонреден увид на локацијата повторно, а за наодите од истиот јавноста ќе биде благовремено информирана“, соопшти МЖСПП.
