Министерот за информатичко општество, Дамјан Манчевски, денеска доби укор од собранискиот претседател Талат Џафери затоа што на седницата на пратенички прашања ги сликаше пратениците на опозицијата кога координаторот на ВМРО-ДПМНЕ, Драган Данев, реагираше дека во салата се присутни само 13 членови на Владата, а дека Деловникот бара присуство на целата Владата.
Џафери, му порача на Заев да преземе мерки, а на Манчевски му нареди да ја избрише фотографијата.
-Седете долу и избришета ја снимката што ја направивте. Премиер, ве молам преземете мерки поради однесувањето на вашите министри. Ова е последно предупредување- рече Џафери.
