Шефицата на Обвинителството за организиран криминал и корупција, Вилма Русковска, во изјава за „360 степени“ ги повикува оние што имаат докази за некаков криминал да поднесат пријава против неа, откако денеска обвинетиот во „Рекет“, Бојан Јовановски-Боки 13, излезе со обвинувања кон обвинителката.
– Ги охрабрувам сите што имаат нешто да пријават тоа да го сторат и заедно со сите докази што ги поседуваат да ги достават до МВР – вели Русковски.
Бојан Јовановски денеска во Судот рече дека има несоборливи докази за корупција поврзани со обвинителката Вилма Русковска, вредни четири милиони евра и побара нејзино изземање од предметот „Рекет“.
