СДСМ преку конкретни мерки и политики испорачува резултати што носат придобивки за сите граѓани, додека ВМРО-ДПМНЕ преку злоупотреби на техничките функции и ширење лажни вести го бранат криминалот на режимот, истакна пратеникот Хари Локвенец на денешната пресконференција.
– Прочитани се намерите на ВМРО-ДПМНЕ и на Христијан Мицкоски. Со злоупотреби на техничките функции и однесување надвор од мандатите што им се законски пропишани, ВМРО-ДПМНЕ сака да ги оневозможи граѓаните да ги остваруваат своите уставно загарантирани права за време на техничката влада, чија основна функција е организирање на слободни, фер и демократски избори. На тој начин Мицкоски и ВМРО-ДПМНЕ подготвуваат терен за непризнавање на изборниот резултат, соочени со релноста дека ќе ги загубат изборите. Прочитани се и затоа се во голема паника – рече Локвенец.
Тој истакна дека сценариото на ВМРО-ДПМНЕ е провидно.
– Предлагаат осомничени и кадри со обвиненија, шират лажни вести и измислуваат непостоечки случаи. Не нудат ништо освен обнова на режимот, одбрана на крминалот. Но, ние како СДСМ, заедно со граѓаните тоа нема да го дозволиме. Денес, институциите се во сигурни раце, фер и демократски избори ќе има, слободната волја на граѓаните нема да дозволиме да ја загрози режимската ВМРО-ДПМНЕ. А иднината на државата и граѓаните е обезбедена во големите светски сојузи НАТО и ЕУ – рече Локвенец.
