Адвокатот на Елизабета Најдовска, Мерџан Даути во новтоо писмо до претседателот на Кривичниот суд, Иван Џолев , обвинува дека барањето до Адвокатска комора за да им се одземат лиценци, е обид за замолкнување на одбраната.
– Не се плашете претседателе, овој предмет застарува во 2031 година, и не разбирам на Вашето инсистирање спротивно на сите позитивни закони, да предметот познат за јавноста „ТНТ“ да заврши пред изборите или во најкусен можен рок, т.е. текот на овој месец – пишува Даути.
Тој очекува дека Апелацискиот и Врховниот суд нема да го премолчат тоа што не му било дозволено да го користи албанскиот јазик и дека ќе го укинат и ќе го вратат предметот од почеток.
– Затоа, Ве повикуваам, на јавноста, колегите адвокати и на локална и меѓународната заедница, да и одговорите на прашања:
Дали на 28.01.2020 година, доколку согласно подготвениот план, Судскиот Совет констатира оставки, одново ќе почне судењето ТАЛИР 1, МОНСТРУМ, ТЕНДЕРИ, ТОПЛИК и сите други предмети каде оваа поротничка е член да судечиот совет?
Дали на последното рочиште кое се одрза во јануари 2020 година, во случајот за сообраќајната несреќа, едната од судија – поротник, поради протек на мандат повеќе не е член на судечкиот совет и зашто и за неа не инсистирате да продолжи да работи се до одлука на судски совет, нешто се прави со Лилјана Ивановска Кочовска?
Вистина ли е дека Основниот кривичен суд нема друг судија – поротник?
Дозволете како претседател на Судот, да завладее правото, а ако сметате дека „ТНТ“ е национален интерес, те. мора Фиат Цановски да се обештетува до парламентарните избори, започнете го рочиштето од ново согласно закон, закажувајте рочиште секој ден до 12.04.2020 година, и така ќе ја постигнете целта, но притоа ќе имаме судска постапка соглано закон, пишува Даути.
