На локалниот пат во село Доброшинци, струмичко, се случила сообраќајна незгода при што починал шеесет и две годишниот В.А. од село Пиперово струмичко.
Сообраќајката се случила помеѓу патничко возило „шкода октавија“ со струмички регистарски ознаки, управувано од В.А. и патничко возило „фолксваген шаран“ со струмички регистарски ознаки, управувано од Е.М.(25) од селоГрадошорци, струмичко.
Во незгодата починал возачот В.А., додека Е.М. и А.А.(16), сопатничка во неговото возило се здобиле со телесни повреди и биле пренесени во болницата во Струмица за укажување на лекарска помош.
Увид на местото извршила екипа од СВР Струмица.
