За 35 отсто пониска цена на роамингот од денеска имаат жителите на земјите од Западен Балкан. Со Црна Гора и Босна и Херцеговина, цените остануваат исти.
Според договорот со кој се опфатени земјите од Западен Балкан освен црна Гора и Босна и Херцеговина од денеска и официјално се имплементира втората фаза, со која се предвидуваат пониските цени, односно сега сите корисници ќе плаќаат за роаминг по принцип што подразбира збир на домашната цена и такса за роаминг.
Од 1 јули 2021 година пак, се планира дополнително да се намалат цените за роаминг за дојдовните повици и преносот на податоци за сите корисници, но и целосно укинување на таксите за роаминг во регионот на Западен Балкан, односно за корисниците да плаќаат за услуги за роаминг под истите услови што важат за домашниот сообраќај.
