Лидерот на ВМРО ДПМНЕ, Христијан Мицкоски, попладнево објави видео од одржаниот состанок со членови на неговиот кабинет и кандидатите за министри и заменици министри предложени од ВМРО-ДПМНЕ во техничката влада за спроведување на предвремените парламентарни избори.
На видеото го нема кандидатот за министер на МВР – Драган Ковачки, а дали ова значи дека наследникот на Спасовски ќе се држи во тајност до 3. јануари, кога и треба да биде изгласана техничката Влада, пренесе телевизија 21.
Мицкоски во постот на ФБ, вети работа и жилава посветеност која мора да донесе реални резултати затоа што народот не смее да биде разочаран, а илјадници судбини чекаат подобри времиња и промени.
„За добар почеток на годината, на состанок со мојот кабинет и луѓето кои ќе имаат одговорна задача во Техничката влада да ја заштитат народната волја“, напиша Мицкоски.
