Излезе дванаесеттиот број на публикацијата на Самостојниот синдикат на новинари и медиумски работници (ССНМ) – „Новинарството како јавно добро“.
Во овој број на публикацијата, соопшти ССНМ, е обработена темата „Регулација наспроти саморегулација“. Во главниот текст на Антоанела Димитриевска се вкрстуваат мислењата во новинарската фела во врска со саморегулацијата на интернет просторот.
Во овој број ќе читате и: Повелба на ЕФН за условите за работа на новинарите, повик за почитување на слободата на печатот и новинарската независност во Европа, совети за слободните истражувачки новинари, глобалниот пад на слободата на интернет бара глобален одговор, јавните сервиси се под политичко влијание и слободата на изразување во светот е на најниско ниво во последните десет години, наведуваат во соопштението.
Публикацијата е дел од проектот „Писменост за вести и дигитална писменост – Справување со лажните вести“, кој ССНМ го спроведува заедно со Македонски институт за медиуми – МИМ, Институтот за комуникациски студии и Media Diversity Institute, а е поддржан од Европската Унија.
