Извршниот и Централниот комитет на ВМРО-ДПМНЕ вечерва едногласно го поддржале лидерот на партијата Христијан Мицкоски да ги води разговорите и да ги даде предлозите во однос на кандидатите на партијата за идни министри и дополнителни заменик – министри во техничката влада, соопшти генералниот секретар на партијата Игор Јанушев.
Тој рече дека ВМРО-ДПМНЕ има кандидати за членови во техничката влада, ама нема дека нема да споменува имиња.
-Лидерската средба е закажана, така што би почекале да се одвиваат сите овие разговори и преговори во следните неколку денови и секако дека ќе имате можност да разберете за кого станува збор – рече Јанушев.
Мицкоски, исто така, бил едногласно поддржан од највисоките партиски тела да биде кандидат за мандатар по завршување на изборите на 12 април на кои ВМРО-ДПМНЕ, како што рече Јанушев, „ќе извојува убедлива победа“.
