Министерот за локална самоуправа Горан Милевски рече дека иако голем дел од прашањата не се во негова надлежност ќе го повика директорот на Инспекторотот за локална самоуправа да видат што може да направат за однесувањето на неколку градоначалници, кои пратеникот на ВМРО-ДПМНЕ Илија Димовски ги посочи како насилници.
– Партиите предлагаат кандидати а граѓаните ги избираат градоначалниците, затоа апелирам да избираат личности. Да водиме сметка сите за својте постапки. И јас ја слушнав изјавата на хигиеничарката и мене до солзи ме трогна нејзиниот револт. Пота слушнав дека градоначалникот демантира. Секој градоначалник треба да се занимава со својте надлежности, а не со хигиеничарки оти ќе му пројде мандатот во кавги. Ќе го викнам инспекторот за локална самоуправа нека направи записник и тоа што му е во надлежност нека реагира. Ме зачуди дека ќе тужи градоначалникот на Крушево оти рекле дека бил дебел. Сите случаи каде има изживување врз администрацијата се за осуда и ги охрабрувам сите кои се жртви на каков било притисок да пријават, а институциите да реагираат – рече Милевски.
