Бразил – гром и тресок
Бразилците го дочекуваат празникот буквално со гром и тресок. Семејствата седат на полноќ на 24 декември, а празничната вечера брзо се претвора во раздвижена забава со огномет. Празникот продолжува до утрото на 25 декември, кога бразилскиот Дедо Мраз – Papai Nöel- ги раздава подароците.
Тејман против злото во Бугарија
Во Бугарија Божик не поминува без темјан. Традицијата е на Бадник најстариот член на семејството „да помине“ со темјан се во домот – да го избрка злото. Ноќта на 25 декември, Дедо Мраз ги остава подароците под елката.
Подароци во чорапи во Англија
И во Англија подароците пристигнуваат ноќе. Утрото на 25 декември, децата ги распакуваат подароците што ги донел англиускиот Дедо Мраз – Father Christmas. Тие се ставени во чорапи – како и во САД.
Гана – дрво манго во замена за елка
За многу луѓе ширум светот, празникот е незамислив без елка. Но, што прават во земји каде што нема елки? Бидејќи во Африка речиси и да нема иглолисни дрва, во Гана, на пример, тие користат дрво кашу или манго како замена. Дедо Мраз таму е под големо влијание од западниот свет, и се нарекува Santa Claus. Раздава подароци на 26 декември, а тие скоро секогаш вклучуваат облека.
Грција – светлечки бротчиња
Во Грција, подароците се доделуваат само на новогодишната ноќ на 31 декември, кога Грците го слават Свети Василиј. Тој се грижи за подароците за празникот. И бидејќи Грците се морска нација, тие украсуваат бродови со блескави венци што ги сместуваат во дворот на куќата или прозорците. На тој начин, тие им оддаваат чест и на своите сонародници морнари кои работат за време на празникот.
Исланд – 13 денови подароци
Додека во многу земји подароците се еднодневен ритуал, во Исланд луѓето даруваат 13 цели денови – со помали предмети. По 13 декември, вкупно 13 Божиќни џуџиња, т.н. Jólasveinar, ставаат подароци во детски чевли – но само на послушните.
Јапонија – празник на оние што немаат семејство
И Јапонија е под влијание на западните традиции за Божиќните празници. Но, во азиската земја, Божиќ не е класичен семеен празник: сопружниците се собираат заедно со пријателите, а неженетите го користат празникот како повод да излезат да слават – со надеж дека ќе го запознаат својот иден партнер. Подароците доаѓаат само на 26 декември – ги носи јапонскиот Дедо Мраз, наречен Santa Kurosu.
Холандија – преплавена од поштенски картички
Наспроти сегашните трендови, Холанѓаните ја држат класичната Божиќна пошта: за празникот, тие испраќаат многу писма и, најмногу од сите, честитки за Божиќ по пошта. Подароците, пак, се раздаваат уште на 6 декември – за Денот на Свети Никола.
Норвешка – Криење метли
Норвежаните изведуваат необичен божиќен ритуал: ги кријат сите метли и чистачи за подот, така што вештерките не можат да ги украдат и да летаат со нив на празнична ноќ. Норвешките деца ги добиваат своите подароци на 24 декември, но не ги носи Дедо Мраз, туку Божиќен гном по име Julenissen.
Финска – Божиќна коза
Финскиот Дедо Мраз ја примил сликата на коза, какво и да е неговото официјално име – „Joulupukki“- значи точно Божиќна коза. Доаѓа со подароци за деца на 24 декември.
Русија – Минимализам
Додека во многу земји раскошната декорација е неопходен дел од празникот, Русите скоро и да не ги украсуваат своите домови – обично празничната декорација е исцрпена со само една елка. Подароците доаѓаат само во новогодишната ноќ – 31 декември – со Дедо Мраз.
Украина – Пајажина за среќа
И во Украина, подароците ги дава Дедо Мраз, но на 6 јануари. Според стариот обичај, Украинците ги украсуваат своите елки со украси слични на пајажина. Тие веруваат дека тоа ќе им донесе среќа.
Стара вештерка во Италија
Во Италија, подароците за празникот не ги носи Дедо Мраз, туку стара вештерка. Таканаречената „Befana“ лета од куќа до куќа, јавајќи ја својата метла и носи подароци за послушните деца на 6 јануари за Водици. Непослушните деца добиваат јаглен од вештерката.
