Две лица се повредени во сообраќајна несреќа која се случила вчера во 13.30 часот на регионалниот пат Пробиштип-Крупиште, кај место викано „Лезовски Кантон“. Во несреќата учествувале возило „бмв“ управувано од З.А. (51) од Скопје, камион „мерцедес спринтер“ управуван од З.Т. (51) од Кочани и мотоцикл „трува“, управуван од И.А. (27) од с.Горобинци, Светиниколско.
Со телесни повреди се здобил возачот на мотоциклот И.А., кој по укажаната помош бил пуштен на домашно лекување , додека сопатничката на мотоциклот С.И. (27) од Пробиштип поради сериозноста на повредите била препратена во Комплексот клиники „Мајка Тереза“ во Скопје каде и биле констатирани тешки телесни повреди и била задржана на понатамошно лекување.
Увид на местото на настанот извршиле Јавен обвинител и увидна екипа на Полициската станица Пробиштип. Во периодот од 14.05 до 15.45 часот, додека траел увидот, сообраќајот бил во прекин.
