Времето во Македонија денеска ќе биде претежно облачно со локален дожд, а на повисоките места и на планините снег. Ќе дува умерен, долж Повардарието и во источните делови засилен северозападен ветер.
Утринската температура ќе се движи од минус два до седум, а дневната од еден до 11 степени.
Во Скопје времето ќе биде претежно облачно со дожд. Ќе дува умерен до засилен северозападен ветер. Максималната температура ќе достигне до 9 степени.
Следува период на променливо облачно и постудено време со локален дожд, а на повисоките места и на планините снег. Услови за слаб снег ќе има и во некои пониски места. Ќе дува умерен, повремено засилен северозападен ветер.
Во текот на ноќта во поголемиот дел од државата беше облачно, а во северните и североисточните делови врнеше дожд. Во Маврово и во Лазарополе паѓаше снег.
