Немам ништо против парадниот лов на пијани вoзачи. Макар што знам дека е за потребите на полициските билтени. Друга смисла и функција- нема.
Но, што е со трезните лудаци!?
Тие нѐ убиваат секој ден. Секаде: на улиците, во продавниците, конференциите, стрелаат од малите екрани и ни ги зариваат своите пикадо стрелички во мозоците, газат луѓе од собраниската говорница или од претседателската канцеларија.
Лудаците никој не ги лови.
Можеби затоа што сз уште не е измислен лудомер: апаратче што на сомнителниот ќе може да му се пикне во газот или од уво до уво и ако на дисплејот се покаже пурпурна боја, полицаецот ќе знае дека човекот е скроз луд, ако е црвена – дека опасно е луд, ако е зелена – дека веднаш треба да му се одземе дозволата за управување со општото добро и да се отстрани од редовниот сообраќај на животот.
Велат дека во текот на клиничките испитувања, пучистот од Водно покажувал боја меѓу пурпурна и зелена, повеќе на каки, а тоа значи дека е крајно опасен кога е на слобода.
Па, сакам да прашам: кога ќе му се одземе дозволата за управување со „Македонија Гранд туризмо“ од два милиони коња?
(Фејсбук статус на авторот)
