Најновото издание на неделникот „Тајм“ денеска излезе со фотографија на украинскиот претседател Володомир Зеленски на насловна страница именувана „Човек во средината“. Ова е првпат украински претседател да се најде на насловната страница на влијателното американско гласило.
Сторијата за Зеленски е насловена „Како претседателот на Украина се справува со својата улога во најголемата светска политичка драма“.
Во неа се вели дека тој се најде во средина меѓу претседателите на САД и Русија, Доналд Трамп и Владимир Путин. Авторите укажуваат дека демократите во САД го сметаат Зеленски за жртва на проневерите на Трамп, додека републиканците сметаат дека тој е клучен сведок за докажување на невиноста на американскиот претседател.
Весникот, кон крајот на статијата го цитира Зеленски кој вели дека нема доверба во никого.
И Трамп и Путин неколку пати досега се имаат појавено на насловната на „Тајм“.
