Во кумановската полиција вчера било пријавено дека во куќа во село Доброшане, кумановско, во сопственост на Ф.Т.(28), настанала експлозија на плинска боца, при што бил повреден Ф.Т.
Според пријавеното, тој запалил шпорет на дрва на кој била поставена плинска боца, која притоа експлодирала. Ф.Т. бил пренесен во Комплекс клиники „Мајка Тереза“ за укажување на лекарска помош.
Увид на местото на настанот извршила екипа од СВР Куманово и се преземаат мерки за расчистување на случајот.
