Јужнокорејскиот актер Ча Ин Ха починал во вторникот на 27-годишна возраст, потврди неговата агенција „Фантагио“. Според пишувањето на медиумите, телото е пронајдено во неговиот дом, а причината за смртта сè уште не е позната.
„Тажни сме затоа што мора да ја објавиме тешката и трагична вест. Актерот Ча Ин Ха нè напушти на 3 декември и тешко ни е да поверуваме во тоа“, стои во соопштението на агенцијата.
Семејството и пријателите молат за приватност сè додека полицијата не ја испита причината за смртта.
Ча бил ѕвезда на филмот „Love with Flaws“ и плен на популарниот бенд „Support U“. Во 2017 година се прославил со улогата во краткиот филм „You, Deep Inside of Me“, а потоа глумил во други филмски остварувања.
Ова е уште еден од низата трагични и ненадејни смртни случаи на млади јужнокорејски sвезди во последните седум недели.
Минатиот месец во стан е пронајдено телото на тамошната поп-ѕвезда, 28-годишната Гоо Харе, а на 14 октомври почина и три години помладата пејачка Сули.
