Тројца повредени во сообраќајната незгода на автопатот Неготино-Градско со возило на Итната медицинска помош од Неготино се пренесени во Велешката болница.
Еден е полесно, а двајца потешко повредени, но сите се надвор од животна опасност.
Директорот на Општата болница во Велес, Божидар Бојаџиев за МИА изјави дека се прават ренген снимања на повредените за да се видат повредите по што ќе се одлучи дали ќе бидат задржани на лекување во Велешката болница или ќе бидат упатени во Скопје.
