Поранешниот рапер и член на популарната група „187“ Бане Ковачевиќ, попознат како Бане 187 починал во текот на ноќта, а се се случило по операцијата што ја имал, пишува српски „Блиц“.
Неговиот пријател, раперот Небојша Миниќ Хеле рекол за „Блиц“, дека Бане не ја издржал операцијата на која бил подложен.
– За жал, информацијата е точна. Вчера имаше операција на срцето и не можеше да ја издржи. Сè се случи вчера во околу десет часот навечер – изјавил тој.
Инаку, за неговиот приватен живот малку се знае. Во август објавил фотографија од Клиничкиот центар, а јавноста не била запознаена со тоа дека славниот рапер боледува од тешка болест.
„Борбата е завршена, излегов како победник“, порачал тој тогаш, а под овие зборови имало бројни честитки и зборови за поддршка.
Од некогашниот рапер пријателите и членовите на семејството се збогуваат преку социјалните мрежи.
FOTO: Инстаграм/Принтскрин
