Музичката ѕвезда Тина Тарнер наполни 80 години и специјално за таа прилика е објевено видео на нејзиниот официјален Јутјуб-канал. Во видеото Тина го рекла следното:
– Да, имам 80 години. Што јас мислам? Како мислев дека ќе биде во 80. година од животот?… Изгледам прекрасно. Се чувствувам добро. Поминав низ некои многу сериозни болести кои ги надминувам. Како да имам втора шанса во животот – рекла легендарната пејачка.
Тина Тарнер имаше многу успешна 60-годишна кариера во која продаде повеќе од 200 милиони плочи. Но, последните години Тирна Тарнер се бори со сериозни здравствени предизвици. Тоа ги вклучува борбата против ракот и трансплантација на бубрегот.
