Британскиот глумец Саша Барон Коен – Али Џи, жестоко го критикуваше основачот на Фејсбук – Марк Закерберг зашто не ги проверува политичките огласи.
Коен вчера ја доби Меѓународната награда за лидер на АДЛ во Вашингтон.
– Оваа социјална мрежа да беше основана 30-тите, Хитлер би можел да објавува содржини против Евреите – рече Коен меѓу другото, во говорот примајќи го одличието.
Тој се осврна и на технолошките гиганти Гугл и Твитер, за кои вели дека се однесуваат како „најголемата пропагандна машинерија во историјата”, оти дозволиле лажните вести да натежнат над вистината.
– Сета оваа омраза и насилство ги овозможуваат интернет-компаниите коишто ја претставуваат најголемата пропагандна машинерија во историјата – нагласи Коен.
