„Скопје 2014“ е проект на централната власт, а не на локалната власт, рече поранешниот градоначаник на Скопје, Коце Трајановски вечерва во емисијата „Само вистина“, на што актуелниот градоначалник Петре Шилегов му возврати „Вие ги дававте дозволите, аманте луѓе“.
– Ние дадовме дозвола за да се прават пет споменици и ја преземавме обврската да ги одржуваме. Мислам дека Ќосето не требаше да го дислоцира, тоа е селективен маркетинг. Се направи ветување ќе срушиме, и ете да направат нешто – рече Трајановски
Шилегов возврати – кога ќе ги дадат спомениците на градот, тогаш ќе видат што е уривање.
– Околу уривањето, само нека ми ги префрлат спомениците, ќе видите што е уривање. Македонија беше поробена од Груевистичка чизма и насилно и беа поставени споменици – изјави Шилегов.
За фасадите Трајановски рече дека во минатото биле слични како овие што биле, но од 1963-та направен е упад во арихтектурата и се е изменето.
– Вие пред суд ставивте егзекутор на организација, Ќосето – револтиран беше Шилегов, на што Трајановски возврати дека Ќосето му бил сопатник на Гоце Делчев.
– Кој и да бил, бил убиец на луѓе. Вие му порачавте на народот, остајте вие што е суд, ние ќе ви судиме. Го тргнавме споменикот и таму засадивме дрво за човекови права, јас таква порака праќам. Не можам да почитувам убиец и егзекутор да стои пред суд, каде што се борат за човекови права, не за убијци. Перверзија што е направена во лудилото е во општина Ѓорче Петров, да ставите улица Борис Сарафов, човекот што го убил Ѓорче Петров, вие му дадовте улица. Ова што вие го донесовте не е ниту барок, не е ниту стил во архитектурата. Зошто Собранието го уништивте, зошто побогу сакавте Ибни Пајко да го направите барок? Скопје имал класицизам во 5 или 6 маркантни објекти. Стара железничка е класицизам, не е барок. По земјотресот не сме имале барок традиција. Порано било класицизам, не барок. Во 1963 доаѓа до уништување до 80% од станбениот фонд на нашиот град. По земјотресот, во обновувањето што го прави светската архитектонска и урбанистичка елита, одлучиле ваков град со елементи на класицизам, тоа е брутален стил – рече Шилегов, на што Трајановски му возврати, такви градби да си прават во нивните градови.
Поранешниот градоначалник му рече на Шилегов дека половина мандат му поминал, а не ја направиле Универзалната сала, на што градоначалникот му реплицираше дека зборува нешто за што не знае и дека можеби Универзалната сала ќе биде направена наредната година.
