Четири момчиња се повредени во сообраќајна несреќа во Гостиварско, соопшти Министерството за внатрешни работи.
– Вчера околу 23.40 часот на локалниот пат село Зубовце – село Дебреше, гостиварско, возачот од село Врапчиште, Гостиварско, управувајќи патничко возило „мицубиши пајеро“, со гостиварски регистарски ознаки, изгубил контрола над возилото и удрил во ограда. Во незгодата со тешки телесни повреди се здобил сопатникот А.М.(24) од село Врапчиште, додека возачот и сопатниците Е.З.(23) и Ч.Ш.(24), двајцата од истото село, се здобиле со телесни повреди – велат од МВР.
Тие биле пренесени во Ургентен центар во Гостивар за укажување лекарска помош. Увид на местото извршиле полициски службеници од Полициската станица Гостивар.
