Имав одлична средба со премиерот на Северна Македонија Зоран Заев денеска во Скопје, напиша претседателот на Европскиот Парламент на својот Твитер налог по средбата во Владата со премиерот Заев.
„Среќен сум што европскиот дух не е скршен во оваа земја. Заедно ќе ги надминеме сите пречки и ќе преминеме кон отворање на преговори за членство“, напиша Сасоли на Твитер.
Тој попладнево во Владата одржа заедничка прес-конференција со премиерот Зоран Заев, а вечерва ќе се сретне и со претседателот Стево Пендаровски.
