Стравот за безбедноста во меѓуградските автобуси сѐ уште е присутен. Плусинфо објави дека во автобуси кои возат во и надвор од Скопје се примаат повеќе патници од предвиденото, па се случува да се туркаат, за да фатат седиште.
Се чини дека ништо се нема променето оттогаш, а соговорници ни велат дека ако се пожалат, поединци од шоферите се нервозни и им се обраќаат со висок тон.
Несреќата кај Ласкарци, за жал, се чини не успеа да ги смени работите во врска со безбедноста во автобусите.
– Мора да се најде било каков начин за да се стави крај на тоа во автобус да се возат повеќе патници од дозволеното. Нека има почести контроли, нека се казнува – реагираат студенти и лица кои работат во Скопје па често се возат од внатрешноста до главниот град и обратно, но и такви кои патуваат од здравствени причини и закажани термини во скопските здравствени установи.
Од Министерството за внатрешни работи до објавување на текстот не добивме одговор за реакциите на граѓаните.
