Фотографијата на рекламните плакати е вистинска, фотошоп имаше само на брадата и на косата. Позирав сосема гол, бидејќи нема што да кријам од бугарските гласачи! Многумина ме прашаа зошто сум гол, и зошто баш со тиква во рацете? Затоа што политиката е едно големо порно – појасни кандидатот за градоначалник на Софија од Бугарско Национално Обединување, Ѓорѓи Георгиев – Готи.
Тој изгуби на локалните избори во неделата, но се прослави на социјалните мрежи со тоа што на рекламните материјали позираше гол, со тиква. Готи е пејач и актер, а неговото мото на изборите беше – Да направиме од тиквата зелник со тиква за народот!
Најмногу гласови за градоначалници на локалните избори во Бугарија освоија кандидатите на бугарската владејачка партија ГЕРБ, на чело со Бојко Борисов.
