Две лица завршија во притвор бидејќи се осомничени за тешка кражба од салон за бела техника во Битола. Краделе мобилни телефони и фотоапарати, а операциите ги извршувале по претходно договорен план.
„Откако влегле во таванскиот простор, тие направиле отвор низ кој едниот од нив се спуштил во продажниот салон и одзел повеќе мобилни телефони и дигитални фотоапарати од разни марки во вкупна вредност од 901.311 денари. Украдената стока ја додавал на другиот осомничен и заминале од местото. По кратко време, украдените предмети, двајцата осомничени со возило на трето осомничено лице ги однеле во Скопје за да ги продаваат“, наведуваат од обвинителство.
Двајцата соизвршители се тератат за тешка кражба, додека третото лице за прикривање.
