Рано е да се каже дали Антонијо Милошоски, Илија Димовски и Влатко Ѓорчев ќе се најдат на листата на ВМРО-ДПМНЕ на предвремените избори, изјави генералниот секретар на ВМРО-ДПМНЕ, Игор Јанушев во интервју на 360 степени.
– Сите тројца се долго во политиката и се пратеници на ВМРО-ДПМНЕ. Прерано е да се каже дали ќе бидат на листите на изборите. Ако не бидат, секако дека имаат каде да придонесат, се работи за луѓе кои имаат уште што да кажат во политиката – рече Јанушев.
За претседателскиот кандидат Гордана Силјановска Давкова, пак, рече дека во партијата активно придонесува со своите ставови и идеи.
