Кумановец во своето возило качил сопатник кој потоа му се заканил и му одзел пари, информира денеска СВР Куманово. Настанот во полицијата, вчера го пријавил 51-годишниот Р.Ф кој кажал дека во 21.25 часот едно лице со закана му одзело пари.
– На 23 октомври 2019 во СВР Куманово, Р.Ф.(51) од Куманово пријавил дека околу 21.25 часот едно лице со закана му одзело пари. Според пријавеното, во наведеното време на улица „Индустриска“ тој го качил лицето во возилото, кое подоцна со закана му одзел пари. Се преземаат мерки за расчистување на случајот, соопшти СВР Куманово.
Kумановската полиција информираше и за друг инцидент – мотоциклист и сопатник се здобиле со повреди, откако возачот изгубил контрола и паднал на патот.
