Претседателот на Кривичниот суд Иван Џолев во врска со обвинувањата на обвинетите од СЈО дека рочиштата траат предолго и после работното време рече дека новиот Закон за кривична постапка (ЗКП) овозможува постапките да се забрзаат, поготово во предметите каде што има услови за тоа.
– Времетраењето на рочиштата е регулирано со закон. Ништо не е прекршено од она што е предвидено во законот и во судскиот деловник, каде што стои дека почнатите расправи и рочишта во судовите се довршуваат и вршат по истекот на редовното работно време, рече Џолев на денешниот брифинг со новинарите.
Додаде дека докулку судијата процени тоа право може и да го искористи.
