Леди Гага доживеа незгоден пад за време на концертот во Лас Вегас, откако обожавателот со кој што танцувала се лизнал од сцената.
Нозете на Гага биле обвиткани околу горниот дел од телото на обожавателот кога случајно стапнал надвор од сцената и двајцата заедно се струполиле на земјата, меѓу публиката.
Иако не е јасно дали Гага се повредила во несреќата, таа веднаш се вратила на сцената заедно со обожавателот, инсистирајќи на тоа дека тоа не било негова вина.
– Ние толку многу се сакаме што заедно паднавме од сцената. Паднавме во прегратка еден на друг. Ние сме како Џек и Роуз од филмот „Титаник“. Мислам дека треба да пиеме чај после ова – рекла Гага.
Фановите е загрижиле дека пејачката е повредена, но откако обезбедувањето ѝ помогнало да стане, Гага го продолжила својот настап.
– Во ред е! Единствено што не е во ред е дека ни требаат скали за да можеме да се искачиме назад на бината – рекла пејачката.
Lady Gaga and a fan suffered a major fall at #Enigma tonight! 😱 pic.twitter.com/3YplZSUHIG
— The Pop Hub (@ThePopHub) October 18, 2019
