Шестгодишна Русинка Алина Јакупова ја следат повеќе од 25.000 луѓе на Инстаграм, а таа веќе ја доби и титулата најслаткото девојче на светот.
Алина со моделство се занимава уште од четвртата година од животот и веќе се појавувала во кампањите на неколку добро познати модни марки. Таа се појавила и во модните магазини како „Инстајл“ и „Грација“. Нејзината популарност на социјалните мрежи незапирливо расте, а со својата убавина ги воодушеви луѓето низ целиот свет.
„Ангел“, „Прекрасна е“, „Најубава на светот“, „Таа е поубава отколку што некогаш ќе бидам“, се само некои од бројните слични коментари под нејзините фотографии на социјалните мрежи. „Вие сте најубавото и најслаткото девојче на светот“, ѝ пишуваат редовно.
„Тајната на успехот на Алина лежи не само во нејзината неверојатна убавина, туку и во нејзината трудоубивост и постојан саморазвој, и покрај толку младата возраст“, изјавил нејзиниот менаџер Роман Кухар за „Дејли мејл“.
Ова не е првпат титулата најубаво девојче на светот да ѝ се припише на Русинка. Во 2017 година, светот го освои Анастасија Књажева, која ја следат повеќе од половина милион луѓе на Инстаграм. Претходно, титулата ја прослави Французинката Тилан Блондо, која исто така минатата година ја доби титулата најубава жена на светот.
FOTO: Instagram/Printskrin
