Се превртело товарно моторно возило во Штип при што со тешки телесни повреди се здобил кавадарчанец, соопшти Министерството за внатрешни работи.
– Вчера околу 15.30 часот во СВР Штип било пријавено дека во асфалтна база во Штип, додека С.Т.(47) од Кавадарци управувал товарно моторно возило „ман“ со кавадаречки регистарски ознаки, при истовар возилото се превртело, при што С.Т. се здобил со тешки телесни повреди и бил пренесен во Клиничката болница Штип за укажување на лекарска помош – велат од МВР.
За настанот е известен јавен обвинител, а увид на местото на настанот извршила екипа од СВР Штип.
