Поради манифестацијата „Бела ноќ“ утре од 19 часот ќе има посебен сообраќаен режим кај Универзална сала на булеварот „Партизански одреди“ на потегот од крстосницата со улицата „Франклин Рузвелт“ до крстосницата со улицата „Костурски херои“, во насока на движење кон центарот во Скопје, информира МВР.
Сообраќајот ќе се пренасочува по околните сообраќајници.
Автобусите на ЈСП и тоа само во правецот од Ѓорче Петров кон центар ќе возат по изменет режим од вообичаениот.
Линиите 2, 2А, 11, 11А, 12, 18, 19, 32, 56, 56А, 60 и 118 ќе вртат лево на улица „Рузвелтова“, десно по булевар „Илинден“ кон мост Гоце Делчев, од каде секоја ќе продолжи по својата вообичаена траса.
Во обратна насока ќе сообраќаат по своите вообичаени траси.
Линиите 4, 7, 15, 21, 21А, 22, 22А и 24 ќе вртат десно на улица „Рузвелтова“, лево по булевар „Теодосиј Гологанов“ кон центар, од каде секоја ќе продолжи по својата вообичаена траса.
