Демократскиот сојуз смета дека, одлуката на Европската Комисија, Република Македонија да добие безусловна препорака за започнување на пристапните преговори за полноправно членство во Европската Унија е признание за сите граѓани кои цврсто се определија за промени, реформи и стабилност, како и за посветеноста и демократскиот курс на Владата и Парламентот на Република Македонија.
Во Македонија постои и политички и граѓански консензус за влез во Европската Унија.
Препораката е и голема обврска за Владата на Република Македонија да ги имплементира реформските определби, посебно во областа на правосудниот систем, службите за безбедност, јавната администрација и медиумите.
Борбата против корупцијата мора да биде силна и ефективна, а стабилноста и правната сигурност, врвни приоритети.
Доцнењето на реформите и блокадата на евроинтеграциските процеси во изминатите осум години мора да се надоместат со тоа што Македонија ќе биде ставена на “брза лента” и реформите да се одвиваат со забрзана динамика и поддршка од сите релевантни партии.
Се отвораат историски перспективите за граѓаните и Република Македонија, затоа носиме огромна одговорност, овој период да се сплотиме, обединиме и работиме сите заедно.
Само со реформи, работа и резултати се гаранција дека во јуни месец ќе добиеме датум за започнување на преговорите за влез во ЕУ.
