Актерот Бредли Купер скришно бил снимен од еден од патниците во метро, заедно со неговата двегодишна ќерка Леа де Сена, која ја доби со топ-моделот Ирина Шајк.
Откако фотографиите излегоа во јавност, актерот објасни дека сака да живее нормален живот како и секој друг човек и дека има желба да ја научи ќерка му од мали нозе да користи јавен превоз.
Бредли и Ирина ја прекинаа четиригодишната врска пред неколку месеци, а се договорија да имаат еднакви родителски права, пренесе порталот ТMЗ. Според нив, Ирина и Бредли сакаат да останат пријатели и заеднички да ја одгледуваат својата ќерка.
Двајцата се согласиле да живеат во Њујорк, за нивната ќерка да поминува подеднакво време со двајцата. Претходно, Бредли и Ирина живееја во заедничка куќа во Лос Анџелес, но Ирина се отсели кога раскинаа и се врати во Њујорк каде што има стан.
ФОТО: Инстаграм/Принтскрин
