Едно од најголемите оперски имиња во светот, Пласидо Доминго, повеќе нема да настапува во Метрополитен во Њујорк, по обвинувањата од неколку жени за наводно сексуално вознемирување.
Водечкиот светски тенор, требаше да настапи во Метрополитен во „Магбет“. како што пренесува „Ројтерс“, и славниот уметник и Метрополитен соопштија дека тој повеќе нема да настапува во една од најголемите оперски куќи во светот.
„Операта Метрополитен потврдува дека Пласидо Доминго се согласи веднаш да се повлече од сите идни претстави на Мет. Мет и господин Доминго се согласија дека тој треба да се повлече“, се наведува во соопштението на Операта.
Повеќе од 30 пејачи, танчари, музичари, наставници по пеење и други вработени во оперската куќа потврдија во последните неколку недели дека биле сведоци на неговото несоодветно однесување кон жените во последните три децении.
ФОТО: EPA / Francisco Guasco
