Актерот се врати на филмовите по неговиот развод, а се чини дека тој има и некои нови методи за пронаоѓање душевен мир. Пит (55) неодамна се придружи на алтернативната црква што ја покрена раперот и продуцент Канје Вест (42), што Анџелина Џоли не може да го поднесе.
– Бред во последно време се дружи со сестрите Кардашијан и Канје, а Анџелина не сака нејзините деца да бидат во нивна близина. Таа му даде ултиматум да мора да избира помеѓу сопствените деца или ријалити ѕвездите – изјави извор близок до семејството за магазинот „Радар онлајн“.
Анџелина (44), наводно, е загрозена од политичките ставови на семејството и нивниот начин на живот и е подготвена дополнително да му го загорчи животот на поранешниот сопруг и неговиот однос со децата, кој веќе е „на тенок мраз“.
Не помагаат ни инсинуациите дека Канје веќе има нов план за неговиот нов пријател од црквата – Бред да го спои со Клои Кардашијан (35), сега кога и двајцата излегоа од пропаднати бракови.
Актерот им се придружи на членовите на семејството Кардашијан во црквата Канје во Калифорнија, а неговото појавување меѓу собирот предизвика изненадување. Меѓутоа, Бред бил добро расположен и по церемонијата разговарал со Канје. Бред Пит се чини дека нема намера да се откаже од своите нови пријатели.
– Ми се допаѓа што постојат луѓе како Канје на светот, тој е различен. Се чувствувам како да дојде и го наруши постоечкиот распоред. Не можеме да се преправаме дека неговата музика не постои и дека нема влијание – рекол неодамна актерот, кој има шест деца со Анџелина, но врската со нив е сè полоша по разводот со Џоли.
