Мајката Кимберли Нелиган (33) од американската сојузна држава Мејн е уапсена под сомнение дека ја убила својата едногодишна ќеркичка така што непцата ѝ ги мачкала со хероин во повеќе наврати за да му помогне на бебето да спие! Обвинета е дека најмалку 15 пати во текот на два месеци ѝ ги мачкала непцата со дрога се додека малечката не умрела на 10 ноември 2018 година.
Уапсена е дури во вторникот, речиси година дена по смртта на бебето, а кога ја извеле пред суд и кога видела дека тука се медиумите пред камерите покажала среден прст.
Обдукцијата на бебето покажала дека таа починала од преголема доза на фенталин, лек против болки за кој експертите велат дека е 100 пати појак од морфиумот, а 50 пати од хероинот. Илегално често се меша со хероин за да го зголеми еуфоричниот ефект кај корисниците.
Нелиган негирала дека на бебето му давала хероин при првото испитување, но под упорно испрашување на детективот се скршила и признала дека го правела тоа. Дури и се бунела зошто ја напаѓаат кога тоа им го правела и на постарите деца и не им било ништо!
Нејзиниот сопруг сведочел дека видел како со нешто ги трие непцата на бебето за полесно да заспие, но на крај памет не му текнало дека тоа може да биде хероин.
Против неа може да биде покренато обвинение за кривично дело за загрозување на дете и поседување на дрога, но медиумите наведуваат дека ќе биде обвинета и за потешки дела кога истрагата ќе заврши.
ФОТО: Принтскрин/Инстаграм/Твитер
