Организаторот на конференцијата, здружението „Од нас за нас“, соопшти дека било заклучено и да се формира национална лабораторија за контрола на квалитетот на вакцините, да се спроведува вистинска статистика на нус-појавите кај одредени лица при вакцинација и да се формира фонд за обесштетување на лицата кај кои вакцините предизвикале негативни последици.
На настанот имаше 150 гости и експерти и лекари од земјава, Словенија, Хрватска и Србија, кои на оваа тема дискутираа од правен и од здравствен аспект.
– На конференцијата не дојдоа претставници од министерствата за здравство и за образование, како и од Институтот за јавно здравје, за да разјаснат врз основа на кои аргументи ги дискриминираат првачињата и претшколските деца и ги исфрлуваат од училиштата и градинките – соопшти Здружението „Од нас за нас“.
