Печурките треба да бидат редовна намирница на трпезата – евтини се, вкусни и добро се согласуваат со цела низа разни специјалитети.
Но, убедени сме дека секогаш ги купувате со црни дамки и наслаги од нечистотија, така што, сосема логично, вашиот прв импулс е добро да ги исчистите и измиете.
Сепак, интересно е дека постои правило според кое водата е најголемиот непријател на печурките – наводно ќе ја впијат и ќе ги претвори во мека, безвкусна маса.
Едно е сигурно – кога печурките ќе се стават во вода или ако се измијат, речиси е невозможно целосно да се исушат, па со самото помала е веројатноста да се добие убава златна боја за време на пржењето и да се постигне потребната крцкавост.
Работите дополнително ќе се влошат ако ги измиете печурките, па да ги чувате во кеса или пластичен сад во фрижидер – дури тогаш тие ќе станат лигави и без вкус. Затоа дури и најдобрите готвачи на светот имаат златно правило: сувите печурки се вкусни печурки!
„Не мора и не треба да „лупите“ печурки. Луѓето мислат дека овие црни дамки се нечистотија, но тоа е, всушност, тресет мов и тој се пастеризира за време на подготовките“, објаснува Лори Харисон од Американскиот институт за печурки.
Готвачите веруваат дека водата секако нема да ги исчисти печурките, туку тие само ќе ја апсорбираат истата. Затоа, ако веќе е неопходно да ги исчистите, користете мала четка за овие цели или внимателно избришете ги со тенка памучна крпа.
