Премиерот Зоран Заев најави дека преку писмена иницијатива денеска ќе направи обид да продолжат разговорите за законот за јавното обвинителство за решението да биде поддржано со двотретинско мнозинство или со консензус.
Решение, рече Заев, мора да се најде, иако предметите се обезбедени и одат под надлежност на јавниот обвинител.
– Денеска почнуваме со писмена иницијатива на тоа што го разговаравме. Продолжуваме да разговараме и со ВМРО-ДПМНЕ и со другите партии во Парламентот за да изнајдеме решение. Не се откажуваме. Мислиме дека можеме да најдеме решение. Принципилено сме поставени. Апсолутно мислиме дека авангардни чекори поставуваме отворајќи како понуда обвинителство за гонење на висока корупција кадешто обвинителот ќе биде на предлог на опозицијата, а Парламентот ќе го бира – рече Заев, додавајќи дека писмените предлози ќе ги каже министерката за правда Рената Дескоска.
