Упадот во Собранието на 27 ми април според шведските закони не е кривично дело туку бунт, пишува во образложението од пресудата со која Шведска не го екстрадираше обвинетиот за терористичко загрозување во земјава Дејан Давитковски.
По него имаше распишано меѓународна потерница, а беше фатен на аеродром во Шведска каде стигнал од Софија. Сега тој пред тамошните власти тврдел дека е политички гонет, пишува во пресудата, објави Телма.
„Сомнежот има своја основа во политичкиот прогон. Неговата и безбедноста на неговото семејство е загрозена во Северна Македонија“, се наведува во пресудата.
извор: Вечер
